ამის შესახებ ლიკა ბითაძე ტელეკომპანია პირველთან საუბრობს.

რატომ არის მნიშვნელოვანი: რუსული კანონის საწინააღმდეგო აქციის მონაწილე, ლაზარე გრიგორიადისი პოლიციამ 29 მარტს დააკავა, გუშინ, 31 მარტს კი სასამართლომ პატიმრობა შეუფარდა.

  • გამოძიების ვერსიით, გრიგორიადისმა პოლიციის თანამშრომლებს ქვები და ე.წ. მოლოტოვის კოქტეილები ესროლა, ასევე, ცეცხლი წაუკიდა შსს-ის კუთვნილ ავტომობილს.
  • 21 წლის აქტივისტის დაკავების შემდეგ მის წინააღმდეგ ქართულმა ოცნებამ მადესკრედიტირებელი და პროპაგანდისტული კამპანია წამოიწყო.
  • მმართველი გუნდის თავმჯდომარემ 21 წლის აქტივისტს "გზას აცდენილი კაცი" უწოდა და თქვა, რომ "ჩანს, ყველანაირი ორიენტაცია არეული აქვს" — კობახიძის ამ განცხადებას, სავარაუდოდ, ჰომოფობიური ქვეტექსტი ჰქონდა.

დეტალები: ადვოკატი ამბობს, რომ გასაჩივრების შემდეგ მოლოდინი განაჩენის შეცვლის არ აქვს, რადგან ამის პრეცედენტი პრაქტიკაში არ ჰქონია.

  • ამიტომ ამბობს, რომ საჩივარს სააპელაციო დასაშვებად არ ცნობს.
  • "სააპელაციომ უნდა შეაფასოს რა არსებითი მნიშვნელობის მქონე გარემოებები და მტკიცებულებები არ გამოიკვლია პირველი ინსტანციის სასამართლომ, რაც პირდაპირ იმოქმედებდა ლაზარე გრიგორიადისის მიმართ შეფარდებული აღმკვეთი ღონისძიების მართლზომიერებაზე", — თქვა ადვოკატმა.
  • ამბობს, რომ გრიგორიადისის დაუმორჩილებელ მოქალაქედ წარმოჩენა მცდარი შეფასებაა, რადგან ამას ვერ ამტკიცებენ.
  • "ის, რომ წარსულში ჰქონდა შეფარდებული თუნდაც გირაო ეს იმას არ ნიშნავს.. ის სასამართლო სხდომა არ დასრულებულა, არც კი დაწყებულ. არ ნიშნავს აპრიორი, რომ დანაშაული აქვს ჩადენილი", — თქვა ბითაძემ.
  • მისივე განმარტებით, განჩინებაში საქალაქო სასამართლოს დასაბუთება შაბლონურად და ზოგადად არის განმარტებული.