ამის შესახებ მან ტელეკომპანია პირველთან ისაუბრა.

რატომ არის მნიშვნელოვანი: პარლამენტში სიტყვით გამოსვლისას პრემიერმინისტრმა გუბაზ სანიკიძეს შეურაცხყოფა მიაყენა, "არაკაცი", "სულგაყიდული" და "მოღალატე" უწოდა და აღნიშნა, რომ ის 100 000 დოლარად მიეყიდა სააკაშვილს.

  • "მტყუანის დედას შე**ცი" — შეაგინა მას გუბაზ ზანიკიძემ.
  • ამას სხდომათა დარბაზში ხმაური და კამათი მოჰყვა, თუმცა მხოლოდ ღარიბაშვილის მიკროფონი იყო ჩართული და რთულია იმის თქმა, რა ხდებოდა დეპუტატების სკამებთან.
  • TV პირველის გავრცელებულ კადრებში ჩანს, რომ ქართული ოცნების დეპუტატი, ალუდა ღუდუშაურიც შეურაცხყოფას აყენებს გუბაზ სანიკიძეს და "ნაძირალას", "მაიმუნს", "ფარჩაკს" უწოდებს.
  • ამ ინციდენტიდან მალევე ირაკლი ღარიბაშვილმა გამოსვლა დაასრულა, დარბაზი დატოვა და 5-წუთიანი შესვენება გამოცხადდა.
  • TV პირველმა პარლამენტის ფოიეში გადაღებული კადრებიც გაავრცელა, სადაც ჩანს, რომ დეპუტატები ხმაურით ჩარბიან კიბეებზე, გასასვლელთან კი გუბაზ სანიკიძეს, ხელს ურტყამენ — სავარაუდოდ, შოთა ხაბარელი.
  • ამის შემდეგ მას ერთ-ერთი პირი, რომლის იდენტიფიცირება კადრიდან რთულია, ქეჩოში კიდებს ხელს, ყვირის "დავი ახლა აქედან" და კარებში გაგდებას ცდილობს.
  • ამ დროს ქართული ოცნების კიდევ ერთი დეპუტატი, დავით მათიკაშვილი მას აგინებს: "ნაბი*ვარო, შენ მოგი**ნავ დედის მუ**ლს".

დეტალები: სანიკიძე ტელეკომპანია პირველთან ამბობს, რომ ღარიბაშვილს სასამართლოში მოუწევს დაამტკიცოს, რომ ნაციონალური მოძრაობისგან 100 000 დოლარი აიღო.

  • "მე უკვე მივიღე გადაწყვეტილება, რომ მას ვუჩივლო სასამართლოში. მან ცილი დამწამა. ხომ მიდის განხილვა ვის შეეწერა ჩემი სიტყვები, თუ ვერ დაამტკიცებს, ირაკლი ღარიბაშვილი ისტორიაში შევა როგორც ირაკლი შეწერილი", — თქვა ღარიბაშვილმა.
  • ამბობს, რომ პრემიერმინისტრი ვერაფერს დაადასტურებს იმიტომ, რომ ბუნებაში ასეთი რამ არ მომხდარა.
  • "მე ვიცი, რომ ლომის ხახაში ვყოფ თავს, მე ვიცი, რომ მექნება ძალიან სერიოზული წინააღმდეგობა, მათ შორის, სასამართლოსგანაც, იქნება საშინელი მოწოლა და სიბინძურეები ჩემს წინააღმდეგ, ბიბლიური მასშტაბის საშინელებებს ჩაიდენენ, მაგრამ მზად ვარ ამისთვის", — განაცხადა გუბაზ სანიკიძემ.
  • მისივე თქმით, ამ ამბის შემდეგ მან დიდი თანადგომა იგრძნო უბრალო ადამიანებისგან, ასევე მხარს უჭერს მეგობრები, ოჯახის წევრები და თანამოაზრეები.