ნაცვლიშვილი მდინარაძეს: სამარცხვინოა, რომ არ ენდობით ძალადობის მსხვერპლ ქალებს

21 Mar. 2023, 17:36

ადამიანის უფლებები, ეს არ არის ფურცლები და კონცეფციები, არც კანონები არის ცალკე აღებული. ადამიანის უფლებები არის კონკრეტული დაზარალებული და მსხვერპლი რომ დგას შენს წინ, მას როგორ ექცევი. ერთ-ერთი მთავარი, რაც უფლებადარღვეულ ადამიანებს სჭირდებათ, ესაა მათ მიმართ ნდობა, პირველ რიგში. ქალებს, რომლებიც არიან ძალადობის და შევიწროების მსხვერპლები, ეს ორმაგად სჭირდებათ იმიტომ, რომ ამ საზოგადოებაში განსაკუთრებით რთულია მათთვის ხმის ამოღება საჯაროდ. ძალიან სამარცხვინოა, როდესაც პირველი კომენტარი, რომელსაც აკეთებთ არის ის, რომ არ ენდობით ძალადობის მსხვერპლ ქალებს.

ამ ქალებს თქვენ კონცეფციები კი არ სჭირდებათ და საკანონმდებლო ბაზა, მათ სჭირდებათ სისტემა, რომელიც არ აიძულებს, რომ გაჩუმდნენ, მათ სჭირდებათ ნდობა. აი, ეს სჭირდებათ ამ ქალებს და არა ფარატინა ფურცლები, რომლებიც თაროზე შემოდებული რჩება.

რაც შეეხება თქვენს კომენტარს, რომ გაუსამართლებლად ასამართლებთ ყველასო. არ ხართ ეტყობა საქმის კურსში. ამ კონკრეტულ ადამიანზე, ვისზეც საუბარია, მის წინააღმდეგ სასამართლო გადაწყვეტილებაა გამოტანილი და დადასტურებულია, რომ ის თავის თანამშრომელს სექსუალურად ავიწროებდა. და თქვენ რას აკეთებთ ამ დროს? მასთან ტელევიზიაში ზიხართ ერთი, ორი, სამი, ოთხი ლიდერი და ამ კაცთან თანამშრომლობთ. მისი პროპაგანდა არის თქვენი პროპაგანდისტული ხაზი მთავარი საყრდენი. და ამის შემდეგ ვერ დავიჯერებ ნამდვილად, რომ ქალთა უფლებები გაწუხებთ. როცა არ ემიჯნებით ასეთ ადამიანებს. ვისი საქციელიც მხილებული და დადასტურებულია სასამართლოს მიერ რამდენიმე წლის წინ და როგორც ჩანს, არ არის თქვენთვის ეს საკმარისი, მორალური მიჯნა, რომლის იქითაც გადაბიჯება აღარ შეიძლება.

რაც შეეხება სხვა ადამიანებს, რომლებმაც ამის შესახებ საჯაროდ ისაუბრეს, ამ ტრიბუნიდან მათ მინდა, კიდევ ერთხელ გამოვუხატო მხარდაჭერა და ვუთხრა, რომ მათ ზუსტად იმდენი დროის გამოყენების უფლება აქვთ, რამდენიც დასჭირდებათ, რომ ძალა მოიკრიბონ და ისაუბრონ ძალადობაზე, ტყუილზე, ფლიდობაზე, რომელიც მათ აკადრეს და რომელსაც პასუხი აუცილებლად გაეცემა. თუ თქვენ ვერ გაბედავთ ამას, გამოჩნდებიან ადამიანები, რომლებიც ამას გაბედავენ. თქვენი ხართ ძალადობაში მხილებული ადამიანის თანამოაზრე და მათთან თანამშრომლობთ და ის არის თქვენი პარტიის პროპაგანდისტული სახე დღეს.

სამარცხვინოა, როდესაც პირველი კომენტარი არის ის, რომ არ ენდობით ძალადობის მსხვერპლ ქალებს

ბოლო ამბები:

ანა ნაცვლიშვილი ნაცვლიშვილი მდინარაძეს: სამარცხვინოა, რომ არ ენდობით ძალადობის მსხვერპლ ქალებს

კომენტარები

კვირის ტოპ-5

გირჩევთ

ახლა კითხულობენ