ამის შესახებ უკრაინის თავდაცვის მინისტრი სოციალურ ქსელში წერს.

რატომ არის მნიშვნელოვანი: აქამდე უკრაინის მთავრობაში უწყების ხელმძღვანელები პოსტებიდან პირდაპირ გაათავისუფლეს.

  • უკრაინის მმართველი პარტიის, ხალხის მსახურის თავმჯდომარემ, დავით არახამიამ 6 თებერვალს განაცხადა, რომ რეზნიკოვს სტრატეგიული მრეწველობის მინისტრად დანიშნავდნენ.
  • რადგან, მისი თქმით, ძალოვან უწყებებს ამ ეტაპზე, არა პოლიტიკოსები, არამედ ძალოვანი სტრუქტურების წარმომადგენლები უნდა ხელმძღვანელობდნენ.
  • 21 იანვარს მედიაში გავრცელდა ინფორმაცია, რომლის მიხედვითაც, რეზნიკოვის უწყება სამხედროებისთვის საკვებს ბაზარზე არსებულ ფასთან შედარებით 2-3-ჯერ ძვირად ყიდულობს.
  • თუმცა სამინისტრო ინფორმაციას მალევე გამოეხმაურა და მას "სიცრუე და მანიპულაცია" უწოდა, რომელიც საზოგადოების მიზანმიმართულად შეცდომაში შეყვანის მცდელობის ნიშნებს შეიცავს.
  • Pravda-ს ცნობით, ამის გამო თავდაცვის მინისტრის მოადგილე ვიაჩესლავ შაპოვალოვი თანამდებობიდან გადადგა.

დეტალები: რეზნიკოვი წერს, რომ არაერთ აქტუალურ გადაწყვეტილებას გაგვაცნობს სამინისტროში საკადრო და სტრუქტურულ განახლებებთან დაკავშირებით, რომელიც მუშაობის ეფექტურობის ამაღლებას ემსახურება.

  • მისი თქმით, სამინისტროს ახალი მოადგილეები ეყოლება და ამის შესაბამისი დოკუმენტები შესათანხმებლად უკვე წარადგინა.
  • უწყების მეთაური არ აკონკრეტებს, შესაძლო მოადგილეების ვინაობასა და რაოდენობას.