მრეწველობის პროფკავშირის, ლაბორის კოორდინაციით, გუშინ, დილის 9 საათიდან საირმე მინერალ ვოთერსის თანამშრომლები გაიფიცნენ.

რატომ არის მნიშვნელოვანი: გაფიცულები ღირსეულ სამუშაო პირობებსა და სამართლიან ანაზღაურებას ითხოვენ.

  • დასაქმებულთა თქმით, გაფიცვამდე 21-დღიანმა მედიაციის პროცესმა უშედეგოდ ჩაიარა.
    მათი ცნობით, ამ ეტაპზე საწარმო პარალიზებულია და გაფიცულია ყველა თანამშრომელი.
  • მათივე თქმით, გაფიცვა უვადოა და გაგრძელდება მანამ, სანამ მოთხოვნები არ დაკმაყოფილდება.

პასუხი გაფიცვაზე: შპს საირმის განცხადებით, კომპანია მუშაობას განაგრძობს და გაფიცულია მხოლოდ თანამშრომელთა ნაწილი.

  • მათი ცნობით, ამჟამად მედიაციის პროცესი მიმდინარეობს, რომელიც 16 თებერვლამდე გაგრძელდება.
  • "ამ ფაქტორის მიუხედავად, მედიაციის ფარგლებში მეორე მხარემ თავი აარიდა მედიაციის ხელშეკრულების პროექტზე კომენტარის გაკეთებას, რამდენჯერმე შეცვალა და დაამატა მოთხოვნები, მათ შორის უსაფუძვლო და დაუსაბუთებელი, რომლებიც არ
    ჯდებოდა კანონის ფარგლებში", — ნათქვამია კომპანიის განცხადებაში.
  • საირმე მიიჩნევს, რომ ქარხანაში დასაქმებულთა საშუალო ხელფასი აღემატება რეგიონის ბაზრის საშუალო მაჩვენებელს.
  • ისინი ასევე უარყოფენ გავრცელებულ ინფორმაციას ქარხანაში არსებული ანტისანიტარიის შესახებ და ამ ინფორმაციის წარმომავლობის შესწავლას აპირებენ.