ამის შესახებ ინფორმაციას საგარეო საქმეთა სამინისტრო ავრცელებს.

რატომ არის მნიშვნელოვანი: თურქეთ-სირიის საზღვართან ორშაბათს დილით მომხდარ დამანგრეველ, 7,8-ბალიან მიწისძვრას, ბოლო მონაცემებით, 21 000-ზე მეტი ადამიანი ემსხვერპლა, მათ შორის, საქართველოს 3 მოქალაქე.

  • თურქეთისა და სირიის რამდენიმე ქალაქი თითქმის მთლიანად განადგურდა, ათასობით ადამიანი კი დაშავდა.
  • მოსალოდნელია, რომ ეს რიცხვი გაიზრდება, რადგან ნანგრევების გასუფთავება და სამაშველო სამუშოები ჯერ კიდევ გრძელდება.

დეტალები: როგორც On.ge-ს უწყებაში განუცხადეს, ქ.ისქენდერუნში მოქალაქე მ.შ. გარდაცვლილი იპოვეს.

  • საგარეო საქმეთა სამინისტროს ცნობით, საქართველოს საელჩოში არსებული ინფორმაციით, ცხედარი პროზექტურაშია გადაყვანილი.