უკრაინის ეროვნული წინააღმდეგობის ცენტრის ინფორმაციით, ოკუპანტებმა ლუგანსკის ოლქის ოკუპირებული ტერიტორიიდან რუსეთში დეპორტაციისთვის 10 500 უკრაინელი ბავშვი მოამზადეს.

რატომ არის მნიშვნელოვანი: ომის კვლევის ინსტიტუტის შეფასებით, იძულებითი შვილად აყვანის პროგრამები და ბავშვების დეპორტაცია წარმოადგენს რუსეთის მასიური დეპოპულაციის კამპანიის ხერხემალს.

  • მსგავსი ქმედებები გენოციდის დანაშაულის პრევენციისა და დასჯის კონვენციის დარღვევა და შეიძლება კვალიფიცირდეს როგორც ეთნიკური წმენდის მცდელობა.
  • ეროვნული წინააღმდეგობის ცენტრი დროებით ოკუპირებულ ტერიტორიებზე მცხოვრებლებს მოუწოდებს, არ მისცენ რუს ექიმებს უკრაინელი ბავშვების გასინჯვის უფლება, რათა არ მოხდეს მათი დეპორტაცია სხვადასხვა გამოგონილი მიზეზის გამო.

დეტალები: ეროვნული წინააღმდეგობის ცენტრის ინფორმაციით, რუსეთის საოკუპაციო ადმინისტრაციამ ლუგანსკის ოლქის დროებით ოკუპირებულ ტერიტორიაზე 2-დან 17 წლამდე ასაკის 15 000 ბავშვს სიღრმისეული სამედიცინო შემოწმება ჩაუტარა.

  • ორგანიზაციის ცნობით, რუსები ამ გამოკვლევების შედეგად აცხადებენ, რომ ბავშვებს "სპეციალური სამედიცინო დახმარება" სჭირდებათ და ამ მიზეზს, ბავშვების რუსეთში დეპორტაციისთვის იყენებენ.

გარდა ამისა, რუსებმა ხერსონის ოლქის დროებით ოკუპირებულ ტერიტორიებზე უკვე მიიტანეს ექვსი მობილური სამედიცინო სადგური.

  • ეს არის სპეციალური სატვირთო მანქანები, რომლებიც აღჭურვილია მობილური სამედიცინო დიაგნოსტიკური საშუალებების ფუნქციონირებისთვის.