იგი ქუთაისის დამწვრობის ცენტრში იყო მოთავსებული და მართვით სუნთქვაზე იმყოფებოდა.

დეტალები: 24 ნოემბერს, თერჯოლაში, ერთ-ერთ სუპერმარკეტში, ლეონიდე ზვიადაძემ ყოფილ ცოლს საწვავი შეასხა, რის შედეგად დაზიანებები თავადაც მიიღო.

  • ქალი დამწვრობის შედეგად გარდაიცვალა.

რატომ არის მნიშვნელოვანი: ფემიციდი გენდერული ნიშნით ქალთა მკვლელობაა.

  • უფლებადამცველები მრავალი წელია კანონში ფემიციდის დეფინიციის ჩაწერას ითხოვენ.
  • საქართველოს გენერალური პროკურატურის მონაცემებით, 2021 წელს გენდერული დისკრიმინაციის მოტივი ქალთა მიმართ და ოჯახში ძალადობის სისხლის სამართლის საქმეებში 732 დანაშაულში გამოიკვეთა.
  • ეს მაჩვენებელი განსაკუთრებით მაღალია და 2016-2020 წლების ჯამური მონაცემთან შედარებით 157%-ით არის გაზრდილი.

მნიშვნელოვანია ვიცოდეთ, რომ ოჯახში ძალადობა არ გულისხმობს მხოლოდ ფიზიკურ შეხებას.

  • ოჯახის წევრის მხრიდან ფსიქოლოგიური ზეწოლა, მუქარა, შანტაჟი, სიტყვიერი შეურაცხყოფა ასევე ძალადობაა და კანონით აკრძალულია.

ოჯახში ძალადობის შემთხვევაში პოლიციის გამოძახება შესაძლებელია 112-ზე დარეკვით, ზარი უფასოა. საჭიროების შემთხვევაში შეგიძლიათ დარეკოთ შემდეგ ნომრებზე:

  • საკონსულტაციო მომსახურება — 116 006.
  • საფარის უფასო იურიდიული დახმარება — 0322 30 76 03; 599 40 76 03;
  • სახალხო დამცველის ცხელი ხაზი — 1481.