სააგენტომ შპს ქოჩ ჰოლდინგს სავაჭრო დასახელებით ჩვენი ყასაბი კრიტიკული შეუსაბამობების გამო საწარმოო პროცესი შეუჩერა.

რატომ არის მნიშვნელოვანი: სააგენტოს განცხადებით, ობიექტის შემოწმებისას, გამოავლინეს ვადაგასული ფარში და არაძირითადი პროდუქტები, რომლებიც დაკლული საქონლის პირველადი დამუშავების დროს მიიღება.

  • სააგენტოს ცნობით, ხორცი ჯანმრთელობის ნიშანდების გარეშე, სასაკლაოს გვერდის ავლით იყო წარმოდგენილი.

დეტალები: სეს-ში ამბობენ, რომ დაფიქსირდა სანიტარიულ-ჰიგიენური ნორმების დარღვევაც და ბიზნესოპერატორი 5000 ლარით დაჯარიმდა.

  • მათივე თქმით, ობიექტი საწარმოო პროცესის განახლებას გამოვლენილი კრიტიკული შეუსაბამობების გამოსწორების შემდეგ შეძლებს.