ამის შესახებ უკრაინის სახელმწიფო ქსელის ოპერატორის ხელმძღვანელმა, ვოლოდიმირ კუდრიცკმა გამართულ ბრიფინგზე ისაუბრა.

რატომ არის მნიშვნელოვანი: რუსეთი ღიად აღიარებს, რომ უკრაინის ენერგეტიკული ინფრასტრუქტურა მის მთავარ სამიზნეებს შორისაა.

  • დაზვერვის კონფლიქტის ჯგუფის ექსპერტის, კირილ მიხაილოვის შეფასებით, ენერგო ინფრასტრუქტურაზე თავდასხმა არ ჯდება ომის ლოგიკაში და ეს რუსეთის მცდელობაა ჰუმანიტარული კატასტროფა მიაყენოს მშვიდობიან მოსახლეობას.
  • გაუარესებული ამინდის და ყინვების პირობებში, პუტინი იმედოვნებს, რომ ამ გზით მოახერხებს უკრაინის დანებებას.

დეტალები: მისი თქმით, ოკუპანტები ყველა მნიშვნელოვან ქვესადგურს დაესხნენ თავს, ზოგ მათგანს კი ზედიზედ 3,5 და 8-ჯერაც კი.

  • "განადგურების მასშტაბები კოლოსალურია. ყოველ მასიური სარაკეტო თავდასხმის შემდეგ გარკვეული დრო სჭირდება მომხმარებელთა უმრავლესობისთვის ელექტროენერგიის მიწოდებას".

გარდა ამისა, კომპანიის ხელმძღვანელმა დასძინა, რომ სარაკეტო იერიშების პარალელურად, ენერგოსისტემის მუშაობის სტაბილიზაციის მიზნით, ელექტროენერგიის გადაუდებელი გათიშვის გრაფიკებია შემოღებული.

  • მისი თქმით, ელექტროენერგიის გათიშვის გრაფიკთან დაკავშირებით ვითარება სტაბილურია, და ის დაბომბვისგან გამოწვეულ წარმოების დეფიციტთან არის დაკავშირებული.