ამის შესახებ ყოფილი პრეზიდენტის, მიხეილ სააკაშვილის ადვოკატმა, შალვა ხაჭაპურიძემ ჟურნალისტებთან ისაუბრა.

რატომ არის მნიშვნელოვანი: მიხეილ სააკაშვილი რუსთავის ციხიდან კლინიკა ვივამედში სამკურნალოდ 12 მაისს გადაიყვანეს.

  • ადვოკატები და ოჯახის წევრები ამბობენ, რომ ყოფილი პრეზიდენტის მდგომარეობა უარესდება და აუცილებელია მისი საზღვარგარეთ სამკურნალოდ გადაყვანა.

დეტალები: ადვოკატს პრეზიდენტ სალომე ზურაბიშვილისთვის სააკაშვილის ჯანმრთელობის მდგომარეობის შესახებ ინფორმაციის მიწოდება სურს.

  • შეწყალების თხოვნასთან დაკავშირებით ადვოკატი ამბობს: "მან მოისმინა და არანაირი კომენტარი არ გააკეთა [შეწყალებით მიმართვაზე]";
  • "დასკვნა რომ მოგვივა ოფიციალურად, შემდეგ მივმართავთ სალომე ზურაბიშვილს. წესით, ეს იქნება ამ კვირაში. მოვითხოვ მე შეხვედრას, როგორც სააკაშვილის ადვოკატი";
  • "შენ შეხვდი, დაელაპარაკე, გადაეცი ჩემი ავადმყოფობის ისტორია, ეს იყო მისი პოზიციები", — თქვა შალვა ხაჭაპურიძემ.

ზურაბიშვილმა არაერთხელ თქვა, რომ არ გეგმავს სააკაშვილის შეწყალებას.

  • აცხადებს, რომ სააკაშვილის შეწყალება "დიდ პოლარიზაციას" გამოიწვევდა;
  • გარდა ამისა, აღნიშნა, რომ როგორც სახელმწიფოს მეთაურს, არ სურს, ყოფილი პრეზიდენტი ციხეში მოკვდეს.