თურქეთის შინაგან საქმეთა სამინისტროს ცნობით, დაკავებულთა შორის არის პირი, რომელმაც, სავარაუდოდ, ასაფეთქებელი მოწყობილობა ხალხმრავალ ადგილას დატოვა.

რატომ არის მნიშვნელოვანი: გუშინ, სტამბოლის ცენტრში, ისტიკლალის გამზირზე აფეთქება მოხდა, რის შედეგადაც 8 ადამიანი დაიღუპა, 81 კი დაშავდა.

  • პირველადი ცნობების მიხედვით, ვარაუდობდნენ, რომ ეს ტერორისტული აქტი იყო.
  • თურქეთის შინაგან საქმეთა მინისტრი, სულეიმან სოული აფეთქებაში სეპარატისტ ქურთებს, კერძოდ ქურთისტანის მუშათა პარტიასა და სირიაში მოქმედ სახალხო დაცვის შენაერთებს ადანაშაულებს.

დეტალები: Reuters-ის ცნობით, აფეთქება მაშინ მოხდა, როცა ადგილი, ჩვეულებისამებრ, გადაჭედილი იყო მყიდველებით, ტურისტებითა და ოჯახებით.

  • თურქეთის იუსტიციის მინისტრმა, ბექირ ბოზდაღმა თქვა, რომ ამ ტერიტორიაზე შენიშნეს ქალი, რომელიც სკამზე 45 წუთის განმავლობაში იჯდა და აფეთქება მისი წასვლიდან რამდენიმე წამში მოხდა.