PSP ფარმასა და შვეიცარიულ კომპანია დოქტორ ვაილდს შორის მოლაპარაკებების პროცესი წარმატებით დასრულდა და ექსკლუზიური თანამშრომლობის კონტრაქტი გაფორმდა. დოქტორ ვაილდი შვეიცარიის ბაზრის ლიდერი კომპანიაა პირის ღრუს მოვლის საშუალებების წარმოებისა და გაყიდვების მიხედვით. 90-წლიანი ისტორიის კომპანია 1940 წლიდან წამყვან დენტალ ინსტიტუტებთან თანამშრომლობით ქმნის ინოვაციურ და ექსკლუზიურ პირის ღრუს მოვლის საშუალებებს როგორც ყოველდღიური მოვლისთვის, ასევე სპეციფიკური საჭიროებების, პირის ღრუს პრობლემებისა და მისი სიჯანსაღისთვის. კომპანია პროდუქციას შვეიცარიის ქალაქ მაინტსში არსებულ საკუთარ თანამედროვე ტექნოლოგიებით აღჭურვილ საწარმოში აწარმოებს და მუდმივად აკონტროლებს მაღალტექნოლოგიურ ლაბორატორიაში.

"დოქტორ ვაილდის მრავალფეროვანი ასორტიმენტის ინოვაციური კბილის პასტები, გელები და სავლები საშუალებები მსოფლიოს 40 ქვეყანაში დიდი პოპულარობით სარგებლობს. უახლოეს პერიოდში შვეიცარიული პირის ღრუს მოვლის ინოვაციური პროდუქტები უკვე ქართველი მომხმარებლებისთვისაც იქნება ხელმისაწვდომი," — აცხადებენ PSP-ში.