ამის შესახებ ინფორმაცია შინაგან საქმეთა სამინისტრომ დღეს, 7 ნოემბერს გაავრცელა.

რატომ არის მნიშვნელოვანი: უწყების ცნობით, ბრალდებულები მოქალაქეების მიმართვის საფუძველზე, ფინანსური დავების "მოგვარების" მიზნით, ქურდულ გარჩევებს აწყობდნენ.

  • მოდავე მხარეებიდან ერთ-ერთს კი სადავო თანხის მიტანას აიძულებდნენ.

დეტალები: "ქურდული სამყაროს" წევრები "ქურდული წესებით" გარჩევებს თბილისსა და სამეგრელოში აწყობდნენ.

  • შსს-ს ინფორმაციით, ჩხრეკის შედეგად, ნივთმტკიცებად ამოღებულია კომპიუტერული ტექნიკა, ბრალდებულების მობილური ტელეფონები, რომლებითაც ისინი ერთმანეთს უკავშირდებოდნენ, ასევე — სხვადასხვა სახის ნარკოტიკული საშუალებები.
  • "ქურდული სამყაროს" წევრობისა და "ქურდული სამყაროს" წევრისთვის მიმართვის ფაქტზე გამოძიება საქართველოს სისხლის სამართლის კოდექსის 223-ე პრიმა მუხლის პირველი ნაწილით და 223-ე მე-4 პრიმა მუხლის პირველი ნაწილით მიმდინარეობს.
  • დანაშაულები 3-დან 10 წლამდე თავისუფლების აღკვეთას ითვალისწინებს.