სატელიტის ფოტოებს და ინფორმაციას კვლევითი პროექტი 38 North ავრცელებს. მატარებელი პარასკევს, 4 ნოემბერს დააფიქსირეს.

რატომ არის მნიშვნელოვანი: მატარებელი, რომელიც სატელიტმა დააფიქსირა წლების განმავლობაში ერთ-ერთი პირველია, რომელიც ჩრდილოეთ კორეიდან რუსეთის ტერიტორიაზე შევიდა.

  • თეთრმა სახლმა 2 ნოემბერს განაცხადა, რომ ვაშინგტონს ჰქონდა ინფორმაცია იმის შესახებ, რომ ჩრდილოეთ კორეა ფარულად აწვდიდა რუსეთს საარტილერიო ჭურვებს ომისთვის.
  • ჩრდილოეთ კორეა კი სექტემბერში აცხადებდა, რომ არასოდეს მიუწოდებია რუსეთს იარაღი და ამის გაკეთებას არც აპირებს.

დეტალები: 38 North აღნიშნავს, რომ 800 მეტრიანი ტუმანგანგის ხიდი არის ერთადერთი სახმელეთო დამაკავშირებელი ორ ქვეყანას შორის. ის პანდემიის გამო ჩრდილოეთ კორეამ დაკეტა.

  • 38 North-ის განცხადებით, ვერ მოხერხდა მატარებლის ტვირთისა და რეისის დანიშნულების დადგენა.
  • "მატარებლის მიზნის დადგენა სურათებიდან შეუძლებელია, მაგრამ გადაკვეთა ხდება ჩრდილოეთ კორეიდან რუსეთში იარაღის მიყიდვის შესახებ ცნობებისა და ორ ქვეყანას შორის ვაჭრობის აღდგენის ზოგადი მოლოდინის ფონზე".
  • "მიუხედავად იმისა, რომ ეს არის პირველი მატარებელი, რომელიც დაფიქსირდა სატელიტურ სურათებზე, არ ნიშნავს რომ ის ერთადერთი მატარებელია, რომელიც გადაკვეთა საზღვარი ბოლო თვეების განმავლობაში".

ფოტო: Planet Labs, PBC cc-by-nc-sa 4.0.

გარდა ამისა, ამ კვირაში დაფიქსირდა მატარებლის გადაადგილება რუსეთიდან ჩრდილოეთ კორეაში.

  • როგორც Reuters წერს, რუსეთის ვეტერინარული სამსახური 2 ნოემბერს თქვა რომ მატარებელს, რომელმაც ჩრდილოეთ კორეის საზღვარი გადაკვეთა ცხენები გადაჰყავდა.