ამის შესახებ უკრაინის გენერალური შტაბის განცხადებებიდან ვიგებთ.

რატომ არის მნიშვნელოვანი: ოკუპანტების მასიური დაბომბვების ფონზე, უკრაინა წარმატებულ კონტრშეტევას აგრძელებს და რუსების დანაკარგები იზრდება.

  • ოკუპანტი ქვეყნის უპირატესობა საჰაერო სივრცეზე კონტროლია, ამიტომაც უკრაინა მუდმივად ითხოვს შესაბამის თავდაცვის სისტემებს.
  • სამხედრო ვერტმფრენებისა და კამიკაძე დრონების განეიტრალება რუსეთს ქალაქებისა და დასახლებების დაბომბვის შანსებს უმცირებს.

დეტალები: საჰაერო ძალებმა 30 წუთში ჩამოაგდეს რუსების 1 ვერტმფრენი და 6 "შაჰედი" ანუ ირანული დრონი.

  • აქედან ორი, შვეულმფრენი და დრონი ქვეყნის სამხრეთით საზენიტო-სარაკეტო დანაყოფებმა გაანადგურეს.
  • ხოლო 5 აღმოსავლეთის მიმართულებით საჰაერო სარდლობის ძალებმა.
  • 400-ით გაზრდილია მოკლული რუსების რიცხვიც და უკვე 64 700-ს მიაღწია.
  • ამას ემატება უკრაინული ძალების მიერ 3 ტანკის, 16 საარტილერიო სისტემის და 7 ერთეული საავტომობილო ტექნიკის განადგურება.
  • უკრაინის შეიარაღებულმა ძალებმა 4 სამეთაურო პუნქტს და მოწინააღმდეგის 15 საკონცენტრაციო ზონა დაარტყეს.
  • გარდა ამისა, გენერალური შტაბი ამბობს, რომ დაჭრილი რუსი ჯარისკაცების სიკვდილიანობა 50%-ს აჭარბებს.

რუსეთი მაინც აგრძელებს ქალაქებისა და დასახლებების დაბომბვას. დილით უკრაინის მთელ ტერიტორიაზე საჰარეო განგაში იყო გამოცხადებული.

  • მათ ნიკოპოლში 50-ზე მეტი ჭურვი ისროლეს, რის შედეგადაც ორი ადამიანი დაშავდა.
  • საჰაერო იერიში მიიტანეს კიევის ოლქზეც და დააზიანეს კრიტიკული ინფრასტრუქტურის ობიექტი.
  • და კიდევ ერთხელ კამიკაძე დრონებით დაბომბეს ზაპოროჟიე.