ევროპელი სოციალ-დემოკრატების პარტიის (PES) რეზოლუციაში, სხვა საკითხებთან ერთად, საქართველოს ევროპული პერსპექტივისადმი მხარდაჭერაზეც არის საუბარი.

რატომ არის მნიშვნელოვანი: ევროკავშირმა საქართველოს მოლდოვისა და უკრაინისგან განსხვავებით, კანდიდატი ქვეყნის სტატუსი არ მიანიჭა. მისცა პერსპექტივა და 12 პუნქტიანი გეგმა.

დეტალები: ქართულ ოცნება ევროპის სოციალისტური პარტიის (PES) დამკვირვებელი წევრია და ევროპაში მისი პოლიტიკური პარტნიორია.

  • PES-ს რეზოლუციაში საქართველოზე ვკითხულობთ: "ჩვენ მხარს ვუჭერთ კანდიდატის სტატუსის მინიჭებას უკრაინისა და მოლდოვისათვის და მზადყოფნას, რომ ეს სტატუსი საქართველოსაც მიენიჭოს;
  • მათი მომავალი ევროკავშირშია და ჩვენ გვინდა, რომ ეს რაც შეიძლება სწრაფად მოხდეს, როგორც კი ყველა გაწევრიანების კრიტერიუმს დააკმაყოფილებენ, მათ შორის კანონის უზენაესობასა და დემოკრატიაზე", — წერია რეზოლუციაში.

PES-ს საერთაშორისო კონგრესი გერმანიაში 14-15 ოქტომბერს გაიმართა, რომელშიც მონაწილეობას ქართული ოცნების დელეგაციაც იღებდა.

  • ქართული ოცნების თავმჯდომარემ, ირაკლი კობახიძემ გაავრცელა ინფორმაცია, რომ "რეზოლუციაში ხაზი გაესვა საქართველოსთვის კანდიდატის სტატუსის მნიშვნელობას და პირდაპირი მოწოდებაა ევროპული სტრუქტურების მიმართა, რომ საქართველოს მიენიჭოს კანდიდატის სტატუსი".
  • "ამ მხრივ ჩვენთვის ძალიან მნიშვნელოვანია ევროპული პოლიტიკური ოჯახის მხარდაჭერა", — წერს კობახიძე.