ამის შესახებ პრეზიდენტის ადმინისტრაციაში განაცხადეს. გავრცელებული ინფორმაციით, 13 ოქტომბერს ჯარმა მტრის ძალის შეტევები ოპიტნოეს, ბახმუტის, ნოვაია კამენკას და კიდევ რამდენიმე მიმართულებით მოიგერია.

რატომ არის მნიშვნელოვანი: 29 აგვისტოს უკრაინა შეტევაზე გადავიდა, ფრონტის ხაზზე წინ მიიწევს და წარმატებულად ათავისუფლეს დასახლებებს.

  • ომის შემსწავლელი ინსტიტუტის განცხადებით, უკრაინის შეტევაზე გადასვლამ ომის მიმდინარეობა შეცვალა, თუმცა ბრძოლები 2023 წლამდე გაგრძელდება.
  • მათივე თქმით, ფრონტის ხაზის სტაბილიზაციის შემდეგ უკრაინის ჯარს ახალი შეტევების დაწყება მოუწევს.

კერძოდ: ადმინისტრაციის ცნობით, ხერსონის ოლქში უკრაინის შეიარაღებულმა ძალებმა 75 დასახლების დეოკუპაცია შეძლეს.

  • 9 ოქტომბრის მონაცემებით კი, უკრაინის სამხედროებმა 1170 კვადრატული კილომეტრი გაათავისუფლეს.
  • "დღეს მნიშვნელოვანი დღესასწაულია — უკრაინის დამცველთა დღე. თქვენი წყალობით, რუსი დამპყრობლებისგან უკვე 1620 დასახლებაა თავისუფალი", — წერს ადმინისტრაცია.

უფრო მეტი უკრაინის წინსვლაზე: უკრაინის ჯარის საზღვაო ძალების ქვედანაყოფმა ნიკოლაევის ოლქის ქალაქ ოჩაკოვთან ოკუპანტების სადამკვირვებლო პუნქტი გაანადგურა.

  • გარდა ამისა, დღეს, 14 ოქტომბერს საჰაერო თავდაცვის ძალებმა ოკუპანტების 8 კამიკაძე დრონი ჩამოაგდეს, ხოლო სამხრეთით რუსული ძალების შეკრების 3 ადგილი და 4 საჰაერო თავდაცვის პოზიცია დაბომბეს.

კრემინა: უკრაინის წარმატებებს ამ ოლქშიც აღწევს, ამიტომ შეიარაღებული თავდასხმის მოლოდინში ოკუპანტები თავდაცვითი ოპერაციების ჩატარებას აგრძელებენ.

  • ლუგანსკის ოლქის სამხედრო ადმინისტრაციის ხელმძღვანელი წერს, რომ კრემინას მახლობლად 27-მა რუსმა იარაღი დაყარა და ბრძანებების შესრულებაზე უარი თქვა.
  • მისივე ინფორმაციით, ოკუპანტებმა 22 მათგანი დააკავეს, ზეწოლის ფონზე კი 5 /პოზიციებზე დაბრუნდა, რადგან "სარდლობამ მათი დაშინება მოახერხა".

სამხრეთით უკრაინის კონტრშეტევა გრძელდება, ვითარება სტაბილური და კონტროლირებადია.

  • სიტუაცია რთულია ბახმუტის რაიონში, რომელიც ოკუპანტების სასტიკი და აგრესიული თავდასხმის მსხვერპლია. ამის შესახებ უკრაინის შეიარაღებული ძალების აღმოსავლეთის ჯგუფის სპიკერი სერგეი ჩერევატი იუწყება.
  • მისი თქმით, უკრაინელები ცდილობენ, ყველა ღონე გამოიყენონ ამ თავდასხმის მოგერიებისთვის.