ევროპის საბჭოს საპარლამენტო ასამბლეამ (PACE) რეზოლუცია დღეს, საშემოდგომო სესიაზე მიიღო.

რატომ არის მნიშვნელოვანი: უკრაინა ომის დაწყებისა და ოკუპანტების მიერ ჩადენილი სასტიკი ომის დანაშაულების შემდეგ ითხოვს, რომ რუსეთი ტერორისტ სახელმწიფო გამოცხადდეს.

  • უკრაინის ხელისუფლება ამაზე განსაკუთრებით ბოლო დროს ოკუპანტების მიერ განხორციელებული ინტენსიური დაბომბვების შემდეგ საუბრობს — მათი თქმით, დროა, რომ რუსეთს ოფიციალურად ეწოდოს ტერორისტული სახელმწიფო.

დეტალები: დოკუმენტში რუსეთის ამჟამინდელი რეჟიმის ტერორისტულადაა გამოცხადებული და აღნიშნულია, რომ რუსეთის აგრესია ცალსახად უნდა დაიგმოს, როგორც დანაშაული, საერთაშორისო სამართლის დარღვევა და მსოფლიო უსაფრთხოებისთვის საფრთხე.

  • ამას გამოეხმაურა უკრაინის საგარეო საქმეთა მინისტრი, დმიტრო კულება და აღნიშნა, რომ გადაწყვეტილებას მიესალმება — მისი თქმით, ეს წევრი ქვეყნების პარლამენტებს გზას უხსნის, რათა ეს გზა გააგრძელონ.
  • გადაწყვეტილებას მიესალმება უკრაინის პრეზიდენტი, ვოლოდიმირ ზელენსკიც და აღნიშნავს, რომ ეს მსოფლიოსთვის მნიშვნელოვანი სიგნალი იქნება.