ამის შესახებ ჩეხეთის საგარეო საქმეთა მინისტრმა, იან ლიპავსკიმ ისაუბრა. მისი თქმით, ცვლილება ძალაში 25 ოქტომბრიდან შევა.

რატომ არის მნიშვნელოვანი: რუსეთის უკრაინაში შეჭრის შემდეგ ჩეხეთმა ნაწილობრივ შეწყვიტა რუსებისთვის ვიზების გაცემა, თუმცა გამონაკლისი იყო ჰუმანიტარული ნიშნით გაცემული ვიზები.

  • ასევე, ჩეხეთში შესვლა შეეძლოთ რუსეთის იმ მოქალაქეებსაც, ვინც ევროკავშირის შენგენის ზონის ქვეყნების სამოგზაურო ვიზას ფლობდნენ.
  • ახალი წესის მიხედვით, ქვეყანაში ჩასვლას რუსეთს მოქალაქეები ევროკავშირის სხვა ქვეყნებიდანაც ვეღარ შეძლებენ.

დეტალები: მინისტრის თქმით, აკრძალვა შეეხება მათაც, ვისაც ტურისტულის გარდა, სპორტული ან კულტურული დანიშნულების ვიზები აქვთ.

  • "იმის მიუხედავად რომ რუსული ტანკები უკრაინაში საბავშვო მოედნებსა და ხალხს ხვდება, ყოველდღიურად რუსეთის 200-მდე მოქალაქე საერთაშორისო აეროპორტების გავლით ჩეხეთში მიემგზავრება".

არქივიდან: 19 სექტემბერს ესტონეთმა, ლატვიამ, ლიეტუვამ და პოლონეთმა დაიწყეს შესვლის შეზღუდვების დაწესება რუსეთის მოქალაქეებისთვის, რომლებიც მოგზაურობენ მხოლოდ ტურისტული ან დასასვენებელი მიზნით.

  • მსგავსი შეზღუდვები მოქმედებს ფინეთში.