McDonald’s-ის გადაწყვეტილებით, ჰეფი მილი მხოლოდ ბავშვებისთვის აღარ გაიყიდება. სწრაფი კვების რესტორნის განცხადებით, მალე განსხვავებულ ჰეფი მილს უფროსებისთვისაც გამოუშვებენ, რომელსაც უფასო სათამაშოც თან ახლდება.

უფროსებისთვის განკუთვნილ ჰეფი მილს Cactus Plant Flea Market Box ერქმევა და კლასიკურისგან განსხვავებულიც იქნება. ახალ ჰეფი მილში ბიგ მაკი და ქათმის მაკნაგეთსიც შედის, ხოლო სათამაშოების ფოტოები McDonald’s-მა ტვიტერზე უკვე განათავსა.

"ეს McDonald’s-ის ყველაზე ნოსტალგიური გამოცდილებაა, რომელსაც განსხვავებულად შევფუთავთ. ვფიქრობთ, რომ ჩვენი ზრდასრული მომხმარებლებისთვის ახალი ჰეფი მილი რელევანტური პროდუქტი იქნება", — წერს McDonald’s-ის მარკეტინგის გუნდის წარმომადგენელი.

McDonald’s-ის განცხადებაში ვკითხულობთ, რომ უფროსებისთვის დამზადებული ჰეფი მილი 3 ოქტომბრიდან გაიყიდება.