ზურაბიშვილი: მთავრობა უნდა გაემიჯნოს იმ ოთხეულს, რომლებიც წარმოუდგენელი ტექსტებით გამოდიან

1 Sep. 2022, 20:36

ნაბიჯები გადასადგმელი არის ძალიან ნათელი პრემიერისთვის, მთავრობისა და უმრავლესობისთვის. პირველ რიგში და ეს არის ისეთი აუცილებლობა, მეტი რომ არ შეიძლება. პირველ რიგში უნდა გაემიჯნოს პრემიერი, მთავრობა, უმრავლესობა იმ რაღაც სამეულებს, ოთხეულებს თუ ვიღაცებს, რომლებიც რაღაც წარმოუდგენელი ტექსტებითა და რიტორიკით გამოდიან.

არ შეიძლება, რომ ჩვენ ერთი ხელით ვითხოვდეთ ამ პერსპექტივას და შემდგომ კანდიდატის სტატუსს და მეორე მხრივ, ხან ვლანძღავდეთ ჩვენს ამერიკელ სტრატეგიულ პარტნიორს, ხან ევროპის კომისიას და ხან ვაბრალებდეთ სხვადასხვა ევროპელებს თუ პარტნიორებს, რომ ვითომც იმათ უნდათ ჩვენი ჩართვა ომში და ეს არის მათი მიზანი.

ეს იყოს ნათქვამი ძალიან მკაფიოდ: არავის არ უნდა ჩვენი ომში ჩართვა და არც არავის სჭირდება ჩვენი ომში ჩართვა. ეს არის ისეთი მოგონილი ტყუილი, როგორიც მე მგონი, საბჭოთა პროპაგანდის მანქანის დასრულების შემდეგ, არავის სმენია. ცოტა მოვიდეთ გონზე, არ გვინდა ამ რაღაცების მოგონება.

აქ არის საჭირო, რომ ყველა ეჭვები, რაც შეიქმნა ჩვენ მიმართ, რაღაც სანქციებზე არასწორი ნათქვამები, ეს ომის თემა, რომელიც ძალიან გაუგებარია ყველასთვის, ვინც გარედან გვიყურებს. ეს არის მომენტი, როცა ეს უნდა გაიფანტოს, ეს ტყუილები, ეს ეჭვები, ყველაფერი, რაც ჩვენს ქვეყანაზე, ჩვენს რეპუტაციაზე, ჩვენ მიმართ ნდობაზე უარყოფითად ახდენს გავლენას. ეს ერთია, რაც ევალება პრემიერს, როცა ჩავა ბრიუსელში.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ