შინაგან საქმეთა სამინისტროს განცხადებით, განზრახ მკვლელობის საქმეზე 2000 წელს დაბადებული დ.ჯ. დააკავეს.

რატომ არის მნიშვნელოვანი: უწყების ცნობით, ბრალდებულმა 28 ივლისს ურთიერთშელაპარაკების ნიადაგზე 20 წლის კაცს გულ-მკერდის არეში დაზიანება მიაყენა და შემთხვევის ადგილიდან მიიმალა.

დეტალები: დღეს შსს-მ განაცხადა, რომ გამოძიების ფარგლებში, ხულიგნობის, ცრუ ინფორმაციის მიწოდებისა და დანაშაულის შეუტყობინებლობის ბრალდებით 7 პირი დააკავეს.

  • მათივე ცნობით, განზრახ მკვლელობის, ხულიგნობის, ცრუ ინფორმაციის მიწოდებისა და დანაშაულის შეუტყობინებლობის ფაქტებზე გამოძიება სისხლის სამართლის კოდექსის 108-ე, 239-ე, 370-ე და 376-ე მუხლებით მიმდინარეობს.