შესაბამისი ბრძანება ეროვნულმა ბანკმა მიმდინარე წლის 15 ივლისს გამოსცა. დოკუმენტის მიხედვით, კომერციული ბანკებითვის 200 000 ლარამდე საბანკო კრედიტის გაცემის წესი იცვლება. როგორც ცნობილია, 2019 წლიდან 200 000 ლარამდე სესხის აღება უცხოურ ვალუტაში აიკრძალა.

დეტალები: ახალი რეგულაციით, კომერციული ბანკები უფლებამოსილნი იქნებიან 200 000 ლარამდე სესხები გასცენ უცხოური ვალუტით, თუ კრედიტი სრულადა იქნება უზრუნველყოფილი ფულადი სახსრებით იმავე ვალუტაში.

  • შესაბამისად, 200 000 ლარამდე სავალუტო სესხის აღებას ის პირები შეძლებენ, რომლებსაც შესაბამის ვალუტაში მინიმუმ კრედიტის ოდენობის დეპოზიტი ექნებათ განთავსებული.
  • სებ-ის ახალი რეგულაცია 1-ლი სექტემბრიდან ამოქმედდება.

რიცხვებში: მიმდინარე წლის მაისის მდგომარეობით, ფიზიკურ პირებს კომერციულ ბანკებში უცხოურ ვალუტაში 14,47 მილიარდი ლარის დეპოზიტი აქვთ განთავსებული, რაც მთლიანი დეპოზიტების 72,6%-ია.