ოკუპანტებმა დონეცკის ოლქში ქალაქი სლავიანსკი დაბომბეს. მერის განცხადებით, ამ ეტაპზე 15 ადგილას ცდილობენ ხანძრის ჩაქრობას.

რატომ არის მნიშვნელოვანი: ოლქის სამხედრო ადმინისტრაციის ხელმძღვანელის ინფორმაციით, 6 ადამიანი დაიღუპა, მათ შორის 1 ბავშვია.

  • დაშავეულია 15 პირი.
  • მერის განცხადებით, ეს მასიური შეტევა იყო, ყველაზე დიდი ბოლო დროის განმავლობაში.

დეტალები: უკრაინული მედიის, დომის ინფორმაციით, დაბომბვის შედეგად დაიწვა ქალაქის ბაზარი.

  • განადგურებულია რამდენიმე კერძო სახლი — ამ ეტაპზე არსებული ინფორმაციით, შიგნით არავინ იმყოფებოდა.
  • ადგილობრივებს ევაკუაციისკენ მოუწოდეს — ადმინისტრაციის განცხადებით, ჯერჯერობით იქ დარჩენა უსაფრთხო არ არის.

გარდა ამისა, რუსებმა დაბომბეს კრამატორსკიც, სადაც განადგურდა სასტუმრო და დაზიანდა გზა დასახლებაში.