ღარიბაშვილი: ჩვენ ვართ გამჭირვალე, დემოკრატიული მთავრობა, რომელიც ხალხის დაკვეთას ასრულებს

6 Jun. 2022, 14:18

საქართველო ბოლო ცხრა წელია არის გამორჩეული რეფორმატორი და ლიდერი აღმოსავლეთპარტნიორობის ქვეყნებს შორის. უფრო მეტიც, შარშან მოგეხსენებათ, რომ გავაფორმეთ ე.წ. მემორანდუმი, შეთანხმება და გამოიყო ჯგუფი ქვეყნების, ასოცირებული ტრიო საქართველო, მოლდოვა, უკრაინას სახით. ამ ასოცირებულ ტრიოს ქვეყნებს შორის საქართველო არის უპირობო ლიდერი ყველა მიმართულებით, ყველა პარამეტრით, ყველა მიღწევით. ეს არ არის გაზვიადებული შეფასება. ეს არის ჩვენი კოლეგების, ჩვენი ევროპელი და ამერიკელი კოლეგების და ძალიან ბევრი საერთაშორისო ავტორიტეტული ინსტიტუტების და ორგანიზაციების შეფასება, რომ საქართველო ყველა პარამეტრით არის წინ ამ ქვეყნებს შორის.

უფრო მეტსაც გეტყვით, მთელი რიგი მიმართულებით, იქნება ეს ანგარიშვალდებულება, მთავრობის ეფექტიანობა, გამჭირვალობა, რეფორმები, ანტიკორუფციული მიმართულებით ეფექტური პოლიტიკა, ბიზნესმიმართულებით მსოფლიოში მეშვიდე ადგილზე ვართ. ბიუჯეტის გამჭირვალობის კუთხით საქართველო პირველ ადგილზე გავიდა პირველად მსოფლიოში. ეს, რა თქმა უნა, მიუთითებს იმაზე, რომ ჩვენ ვართ აბსოლუტურად გამჭირვალე მთავრობა, დემოკრატიული მთავრობა, რომელიც მართლაც ხალხის დაკვეთას ასრულებს. ჩვენი ამბიციური გეგმები და ის რეფორმები, რაც დავიწყეთ 9 წლის წინ, მას შემდეგ, რაც მოვედით ხელისუფლებაში, ამას გეგმაზომიერად, თანმიმდევრულად მივყვებით და ვასრულებთ.

ბოლო ამბები:

ირაკლი ღარიბაშვილი ღარიბაშვილი: ჩვენ ვართ გამჭირვალე, დემოკრატიული მთავრობა, რომელიც ხალხის დაკვეთას ასრულებს

კომენტარები

კვირის ტოპ-5

გირჩევთ

ახლა კითხულობენ