ფინეთის მთავრობის განცხადებით, პრეზიდენტი და მინისტრთა კაბინეტი შეთანხმდნენ, რომ NATO-ში გაწევრიანებაზე განაცხადს საპარლამენტო მოსმენის შემდეგ შეიტანენ. პარლამენტს კი განაცხადი მას შემდეგ გადაეცემა, რაც მას მთავრობა დაამტკიცებს.

პრემიერმინისტრმა, სანა მარინისმა პრეზიდენტ საული ნიინისტესთან ერთობლივად გამართულ ბრიფინგზე აღნიშნა, რომ NATO-ში გაწევრიანება ფინეთისა და ალიანსის ერთობლივად მიღებული ისტორიული გადაწყვეტილება იქნება და იმედი გამოთქვა, რომ პარლამენტის მის რატიფიცირებას მოახდენს.

14 მაისს რუსეთის პრეზიდენტმა ფინეთის პრეზიდენტს სატელეფონო საუბრისას უთხრა, რომ ნეიტრალიტეტზე უარის თქმა და NATO-ში გაწევრიანება შეცდომა იქნება, რომელიც ამ ორ ქვეყანას შორის ურთიერთობებს დააზიანებს.

26 აპრილს BBC-მ გაავრცელა ინფორმაცია, რომ ფინეთი და შვედეთი NATO-ში გაწევრიანებაზე განცხადების გაკეთებას მაისში გეგმავენ.

რუსეთის საგარეო საქმეთა სამინისტრო ფინეთსა და შვედეთს NATO-ში გაწევრიანების შემთხვევაში მოსალოდნელი შედეგების შესახებ აფრთხილებს.

20 აპრილს რუსეთის საგარეო საქმეთა სამინისტროს პრესსპიკერმა განაცხადა, რომ ამ ქვეყნის ლიდერებს უნდა ესმოდეთ, ასეთი ნაბიჯების შედეგები რუსეთთან ორმხრივ ურთიერთობებსა და ევროპის უსაფრთხოების არქიტექტურაზე.