ქართული ოცნების თავმჯდომარის, ირაკლი კობახიძის თქმით, ვისაც ეწყინა ის, რომ საქართველო დიდი შვიდეულის სამიტზე წარმოდგენილი არ იყო, მას სწყინს ის, რომ საქართველო არ არის ომში.

"ვისაც ეწყინა ის, რომ საქართველო არ იყო წარმოდგენილი დიდ შვიდეულზე, მას სწყინს ის, რომ საქართველო არ არის ომში. ძალიან მარტივად არის აქ საქმე.

[...] გერმანიის საელჩო ახმოვანებს გერმანიისა და მთლიანად შვიდეულის საერთო პოზიციას. გერმანიის საელჩომ განმარტა შემდეგი — უკრაინა არის ომში, მოლდოვა უშუალოდ ემიჯნება საომარ მოქმედებებს და ამიტომ მიიწვიეს უკრაინა და მოლდოვა", — განაცხადა კობახიძემ.

დიდი შვიდეულის სამიტზე უკრაინა და მოლდოვა მიიწვიეს, საქართველო კი არა. მინისტრები გერმანიაში შეიკრიბნენ, რათა დაიწყოს 3-დღიანი მოლაპარაკებები რიგ საკითხებზე. შეხვედრაზე განსაკუთრებული აქცენტი იქნება რუსეთის მიერ უკრაინაში შეჭრაზე, ასევე, საკვებისა და ენერგეტიკულ უსაფრთხოებაზე.