უკრაინის ვიცეპრემიერის, ირინა ვერეშჩუკის განცხადებით, აზოვსტალზე ოკუპანტებთან მოლაპარაკებები რთულია, ამიტომ, მისი შედეგით შეიძლება ყველა კმაყოფილი არ იყოს. მისი თქმით, იქ აზოვის ბატალიონის გარდა, უკრაინის შეიარაღებული ძალებისა და ეროვნული გვარდიის წარმომადგენლები, ასევე, უსაფრთხოების სამსახურის მებრძოლები და მესაზღვრეებიც არიან.

"ომში სასწაულები არ ხდება, მკაცრი რეალობებია. ამიტომ, მხოლოდ პრაგმატული მიდგომა მუშაობს [...] პრეზიდენტის ბრძანებაა, რომ ჩვენი ხალხის იქიდან გამოსაყვანად ყველაფერი გავაკეთოთ. გუნდი მუშაობს, მტერთან მოლაპარაკება ძალიან რთულია. შედეგმა, შესაძლოა, ყველა არ დააკმაყოფილოს, მაგრამ ჩვენი ამოცანა ჩვენი ბიჭების გამოყვანაა. ყველასი, ცოცხლების. ღმერთმა ქნას, ყველა გადავარჩინოთ", — წერს ის.

დონეცკის ოლქის სამხედრო ადმინისტრაციის ხელმძღვანელი კი ამბობს, რომ აზოვსტალის ქარხანაში მყოფი ჯარისკაცების გადასარჩენად რთული მოლაპარაკებები მიმდინარეობს. მისი თქმით, რუსეთი საკუთარ პირობებს მუდმივად ცვლის და არსებული შეთანხმებები 100%-იანი არ არის.

20 აპრილს მარიუპოლის მცველებმა მსოფლიოს მოუწოდეს, აზოვსტალიდან გაიყვანონ მესამე ქვეყანაში ყველა, ვინც სამხედრო გარნიზონშია.

30 აპრილს კი მარიუპოლის მცველების მეთაურიმა თურქეთის პრეზიდენტ რეჯეფ თაიფ ერდოღანს ალყაში მყოფი აზოვსტალიდან მებრძოლებისა და სამოქალაქო პირების გაყვანა სთხოვა.