ოკუპანტმა რუსეთმა რუმინეთის საელჩოს 10, ხოლო ბულგარეთის 1 თანამშრომელი პერსონა ნონ გრატად გამოაცხადა.

როგორც CNN წერს, რუმინეთისა და ბულგარეთის ელჩები რუსეთის საგარეო სამინისტროში დღეს, 13 მაისს დაიბარეს და ამ გადაწყვეტილების შესახებ შეატყობინეს.

უწყების თქმით, ეს პასუხია 5 აპრილის რუმინეთის "გაუმართლებელ გადაწყვეტილებაზე", რომელმაც რუსეთის საელჩოს 10 დიპლომატი გააძევა ქვეყნიდან. ბულგარეთთან დაკავშირებით კი რუსეთის საგარეო ამბობს, რომ ეს ზომა სოფიადან რუსი დიპლომატების გაძევების "არამოტივირებული გადაწყვეტილების" გამო მიიღეს.