საქართველოში გერმანიის საელჩოში განმარტავენ, რატომ არიან მიწვეული ბერლინში მიმდინარე G7-ის ქვეყნების საგარეო საქმეთა მინისტრების შეხვედრაზე ინდონეზია, უკრაინა და მოლდოვა.

"ინდონეზია დიდი ოცეულის თავმჯდომარე ქვეყანაა 2022 წელს. უკრაინის საგარეო საქმეთა მინისტრი მიიწვიეს მის ქვეყანაში საომარი მდგომარეობის გამო, მოლდოვის რესპუბლიკა კი ამ ომის უშუალო გავლენის, მათ შორის, მოლდოვაში უკრაინელ ლტოლვილთა ძალიან დიდი რაოდენობის გამო", — აცხადებს საელჩო.

G7-ის ქვეყნების საგარეო საქმეთა მინისტრების შეხვედა დღეს დაიწყო. მინისტრები გერმანიაში შეიკრიბნენ, რათა დაიწყოს 3-დღიანი მოლაპარაკებები რიგ საკითხებზე. შეხვედრაზე განსაკუთრებული აქცენტი იქნება რუსეთის მიერ უკრაინაში შეჭრაზე, ასევე, საკვებისა და ენერგეტიკულ უსაფრთხოებაზე.