მარიუპოლის მერის მრჩეველი, პეტრო ანდრიუშჩენკოს განცხადებით, ოკუპანტები აზოვსტალის ტერიტორიაზე შეჭრას ცდილობენ. მან ტელეგრამ არხზე ფოტოები გამოაქვეყნა, სადაც რუსული არმიის სამხედროების გადაადგილება ჩანს.

დილის მოხსენებაში გენერალური შტაბი აცხადებს, რომ 12 მაისს რუსეთი განაგრძობდა საარტილერიო და საჰაერო დარტყმებს მარიუპოლზე, ხოლო მტრის ძირითადი ძალისხმევა კვლავ კონცენტრირებულია უკრაინული ჯარების ბლოკირებაზე აზოვსტალის ქარხნის მიდამოში.

უკრაინის ვიცეპრემიერმა, ირინა ვერეშჩუკმა განაცხადა, რომ თურქეთის შუამავლობით მიმდინარეობს მოლაპარაკებები აზოვსტალიდან სამხედროების ევაკუაციის შესახებ. მისი თქმით, ევაკუაციის პირველ ეტაპზე მძიმედ დაჭრილებს გამოიყვანენ.

აზოვსტალში ისევ რჩებიან სამხედროები, არიან დაჭრილები და დაღუპულებიც.