ქართული ოცნების დეპუტატის, მიხეილ სარჯველაძის განცხადებით, ექსპრეზიდენტ მიხეილ სააკაშვილის უცხოეთში სამკურნალოდ გადაყვანაზე საუბარი მხოლოდ მაშინ იქნება შესაძლებელი, თუ აქ მას საჭირო დახმარებას ვერ აღმოუჩენენ.

"ჰიპოთეტურად, თუ იარსებებს ისეთი მდგომარეობა, როდესაც ვერც პენიტენციური სამსახურის და ვერც ვერცერთი კერძო კლინიკის მომსახურება ვერ აღმოჩნდება საკმარისი, ღმერთმა დაიფაროს, რომ ასეთი რამ სჭირდეს ბატონ სააკაშვილს, ასეთ შემთხვევაში შეიძლება დაისვას უცხოეთში წაყვანის საჭიროება.

[...] საჭიროა ეს მკურნალობა და საქართველოში არ არის ასეთი რესურსი, მხოლოდ ამის შემდეგ შეიძლება ფიქრი იმაზე, რომ მოინახოს სამართლებრივი მექანიზმები, იმისთვის, რომ გადაყვანილი იქნას უცხოეთში", — ამბობს ის.

გუშინ, 11 მაისს გავრცელდა ინფორმაცია, რომ სააკაშვილი ვივამედში გადაჰყავდათ. არსებული ინფორმაციით, ექსპრეზიდენტი უკვე კლინიკაშია, თუმცა შესაბამის უწყებებს ოფიციალური განცხადება ამ დრომდე არ გამოუქვეყნებიათ. ამასთან, სხვადასხვა მედიის კადრებში ჩანს, რომ ტერიტორიაზე პოლიციელები არიან მობილიზებული. On.ge პენიტენციურ სამსახურთან ცდილობს დაკავშირებას, თუმცა ისინი ზარებს ამ დრომდე არ პასუხობენ.

10 მაისს იუსტიციის მინისტრმა, რატი ბრეგაძემ განაცხადა, მიხეილ სააკაშვილს, შესაძლო გართულებების თავიდან არიდების მიზნით, შესთავაზებდნენ, რომ გადაიყვანონ კლინიკა ვივამედში, სადაც მას გამოკვლევებს ჩაუტარებენ. ამავე დღეს სააკაშვილმა კლინიკაში გადასაყვანად რამდენიმე პირობა დაასახელა.

ამავე თემაზე: