რუსეთის საგარეო საქმეთა სამინისტრო ვარშავაში რუსეთის ელჩისთვის წითელი საღებავის შესხმის ინციდენტის გამო პოლონეთისგან ოფიციალურ ბოდიშს ელოდება. ამის შესახებ ინფორმაციას სერგეი ლავროვის უწყება ტელეგრამზე ავრცელებს.

სამინისტროს განცხადებით, ამით დიპლომატიური ურთიერთობების შესახებ ვენის კონვენცია უხეშად დაირღვა. მათი თქმით, შემდგომი ნაბიჯების შესახებ გადაწყვეტილება მიიღება იმის მიხედვით, თუ რა რეაქცია ექნება ვარშავას.

9 მაისს საბჭოთა ჯარისკაცების მემორიალთან პოლონეთში რუსეთის ელჩს წითელი საღებავი შეასხეს.