ბათუმში, ნაციონალური მოძრაობის ოფისს ქვა ესროლეს. შემთხვევის შედეგად ჩაიმსხვრა შენობის ფანჯრის მინა. პარტიაში შემთხვევას ქართულ ოცნებას უკავშირებენ.

"მოვედით ოფისში და დაგვხვდა მინები ჩამსხვრეული. გამოვიძახეთ, რა თქმა უნდა, საპატრულო პოლიცია, კრიმინალური პოლიცია. მოსულები არიან. ჯერჯერობით საგამოძიებო მოქმედებები დაწყებული არ აქვთ, ველოდებით [...] რა თქმა უნდა, ამ ყველაფერზე პასუხისმგებელი არის ქართული ოცნება. გადასულია უკვე აგრესიაზე და დღევანდელი ვანდალური ფაქტიც მაგის მაგალითია", — განაცხადა ენმ-ს აჭარის ორგანიზაციის წევრმა, ლაშა კილაბერიამ.

ადგილზე მყოფი პოლიციელების ინფორმაციით, გამოძიება სსკ-ის 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს.

On.ge დეტალების გასარკვევად შინაგან საქმეთა სამინისტროს დაუკავშირდა. დამატებით ინფორმაციას უწყებიდან პასუხის მიღებისთანავე შეგატყობინებთ.