პარლამენტის წინ მოძრაობა სირცხვილიას ორგანიზებული აქცია დაიწყო, რომელიც ვადამდელი პროპორციული არჩევნების მოთხოვნით იმართება. ამავდროულად აქტივისტები აცხადებენ, რომ ხელისუფლება ვალდებულია გადაიყვანოს მიხეილ სააკაშვილი მრავალპროფილურ სამოქალაქო კლინიკაში.

"აქ და ახლა ყველაზე მართლები ვართ და არასდროს ყოფილა ჩვენი პროტესტი იმაზე უფრო ლეგიტიმური, ვიდრე ახლაა! 14 ნოემბერს, 19:00 საათზე, კიდევ ერთხელ და ერთად მოვითხოვთ იმას, რასაც უკვე ბევრი წელია ეს ქვეყანა იმსახურებს — სამართლიან, სრულად პროპორციულ ვადამდელ არჩევნებს, რადგან ლეგიტიმაციადაკარგული ქართული ოცნება არ შეიძლება ისევ აგრძელებდეს ქვეყნის მართვის იმიტაციას და თუ ერთხელ მაინც მდგარხარ ქვეყნის სამსახურში, პოსტზე გამოცხადების დროა!", — აცხადებენ აქტივისტები.

თვალი ადევნეთ On.ge-ს პირდაპირ ეთერს აქციიდან.