16 სექტემბერს, უხვი ნალექის შედეგად მოვარდნილმა ნიაღვარმა ქობულეთის მუნიციპალიტეტიში გზები და კერძო სახლების ეზოები დატბორა. ქალაქის ადმინისტრაციულ ერთეულში ამ დროისთვის აღწერილია 200-მდე დატბორილი ოჯახი და სიტუაციის შესწავლა და გაწმენდითი სამუშაოები გრძელდება.

როგორც On.geს ქობულეთის მუნიციპალიტეტის მერიაში განუცხადეს, სხვადასხვა ლოკაციაზე დაიმეწყრა 35 სახლი და მისასვლელი გზა. მათი თქმით, საავტომობილო გზებზე მეწყრული პროცესი 26 მიმართულებით განვითარდა, წაღებულია ორი ხიდი, ხუცუბანში და ჩაქვისთავის ცენტრალურ გზაზე.