სურსათის ეროვნულმა სააგენტომ დააჯარიმა შპს ალიბაბა, რომელიც გარდაბნის მუნიციპალიტეტში, სოფელ ყარაჯალაში დიდი ოდენობით ვადაგასულ, მწერებით დაბინძურებულ და არაეტიკეტირებული 36 სახეობის პროდუქტს (ტკბილეულს, ჩაის, ყავას, თაფლს, სუნელებს) ინახავდა. უწყების ინფორმაციით, აღნიშნულ საქონელს თბილისში, თვალჭრელიძის N2-ში (ისთ ფოინტთან) მდებარე სასურსათო მაღაზიაში ალიბაბაში ყიდდნენ.

სურსათის ეროვნული სააგენტოს განცხადებით ამოღებული პროდუქტი დაილუქა, შპს ალიბაბას კი, რომელიც ეკონომიკურ საქმიანობათა რეესტრში რეგისტრაციის გარეშე ფუნქციონირებდა, მისი განადგურება დაევალა.

დამატებითი მოკვლევის მიზნით, საქმე შესაბამის უწყებებს გადაეცა.