ჯანდაცვის მინისტრის თამარ გაბუნიას თქმით, ამ ეტაპზე საველე ჰოსპიტლის საჭიროება აღარ დგას. მისი განმარტებით იქ განთავსებული ტექნიკა ადგილზეა რჩება და საჭიროების შემთხვევაში გამოიყენებენ.

"საბედნიეროდ, გარკვეული სტაბილიზაცია ჰოსპიტალურ სექტორში არის. 7 200-ამდე არის შემთხვევა, რომელიც დღეს ჰოსპიტალში მკურნალობს. საველე ჰოსპიტლის საჭიროება ნამდვილად არ დგას, რადგან კლინიკების რესურსი დღეს პაციენტებზე ზრუნვას სწვდება.

საველე ჰოსპიტალი რჩება უბრალოდ სათადარიგო მდგომარეობაში თუკი მისი საჭიროება იქნება. ჯერჯერობით, ის რესურსი რაც მობილიზებული გვქონდა, ტექნიკური რესურსი, ადგილზეა, თუ დაგვჭირდება მხოლოდ ამ შემთხვევაში გამოვიყენებთ, ამ პერიოდში არ არის მისი საჭიროება", — აღნიშნა თამარ გაბუნიამ.

ერთი კვირის წინ, დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, ამირან გამყრელიძემ განაცხადა, რომ დიღმის საველე ჰოსპიტლის ფუნქციონირების საჭიროება აღარ არის. მისი თქმით, საავადმყოფოებში საკმარისი რაოდენობის საწოლებია და გამოჯანმრთელებული ადამიანების რაოდენობა იმატებს.

დიღმის ოლიმპიური სოფლის ერთ-ერთ სპორტულ დარბაზში პირველი საველე ჰოსპიტალი 15 აგვისტოს გაიხსნა. მან პაციენტების მიღება 20 აგვისტოდან დაიყწო. 23 აგვისტოს თბილისში, ქავთარაძის ქუჩაზე კიდევ ერთი საველე ჰოსპიტალი მოეწყო, სადაც 200-მდე საწოლია მობილიზებული.