26 აგვისტოს ცირკის მიმდებარე ტერიტორიაზე ტრანსგენდერი ქალი დაჭრეს. როგორც თვითმხილველი On.ge-სთან საუბრისას აცხადებს, ტრანსგენდერ ქალს საფანტი ტყვია პირდაპირ მანქანიდან ესროლეს.

"გადმოდიოდა გზაზე და მანქანიდან, თუ სწორად მახსოვს, ოთხჯერ გაისროლეს. სესილი რომ გადმოვიდა, ნიკაპიდანაც სისხლი მოსდიოდა, მხრიდანაც და ფეხიდანაც. საფანტი ტყვია ისროლეს", — ამბობს ის.

მისივე თქმით, ამის შემდეგ სასწრაფო გამოიძახეს და სესილის ჯანმრთელობის მდგომარეობას საფრთხე არ ემუქრება.