საგანგებო სიტუაციების მართვის სამსახურის განცხადებით, მომდევნო დღეებში ქვეყნის მასშტაბით მოსალოდნელია ტემპერატურის მკვეთრი მატება, ამიტომ მოსახლეობას შესაძლო რისკებზე აფრთხილებენ. უწყების განცხადებით, გარკვეულ რაიონებში ასევე მოსალოდნელია ძლიერი ქარი, რის გამოც, იზრდება ტყისა და მინდვრის ხანძრების გაჩენის რისკი.

უწყება მოუწოდებს მოსახლეობას, არ დაანთონ ცეცხლი სასოფლო სამეურნეო სავარგულებზე, ტყის ან ველის სიახლოვეს, ცეცხლის კერები არ დატოვონ უყურადღებოდ და არ დააანაგვიანონ გარემო თვითაალებადი საყოფაცხოვრებო ნარჩენებით.

დაკვამლიანების ან ცეცხლის შემჩნევის შემთხვევაში ისინი მოუწოდებენ მოქალაქებს, რომ მიმართონ შინაგან საქმეთა სამინისტროს საზოგადოებრივი უსაფრთხოების მართვის ცენტრს — 112.