შვედი დიპლომატი და თანათავმჯდომარე ევროპის საბჭოს საგარეო ურთიერთობათა საკითხებში, კარლ ბილდტი ქართული ოცნების მიერ მიშელის დოკუმენტის ანულირებასთან დაკავშირებით წერს, რომ სერიოზული და ღრმად ღრმად სამწუხაროა საქართველოში ბოლო დროს განვითარებული მოვლენები.

"სერიოზული და ღრმად სამწუხაროა საქართველოში ბოლო დროს განვითარებული მოვლენები — მმართველმა პარტიამ დატოვა ევროკავშირის შუამავლობით მიღწეული შეთანხმება ქვეყნის დემოკრატიულ გზაზე. იანუკოვიჩივით იქცევიან?", — წერს ის ტვიტერზე.

ქართულმა ოცნებამ განაცხადა, რომ შარლ მიშელის შეთანხმება ანულირებულია. პარტიის თავმჯდომარის, ირაკლი კობახიძის თქმით, შეთანხმებას მხოლოდ თავად ასრულებენ, რაც არასწორად მიაჩნიათ. მან ოპოზიციას დააბრალა შეთანხმების არშესრულება. ამასთან, მისივე თქმით, ქართული ოცნება უარს ამბობს აქამდე დაპირებულ 43%-იან ბარიერზე და აცხადებს, რომ ახალი არჩევნები მათი "კეთილი ნებით" 53%-ის მიღების შემთხვევაშიც ჩატარდება, თუ გადაწყვეტენ, რომ ოპოზიცია მზად არის კოალიციური მმართველობისთვის.

გაიგე მეტი: