ქართული ოცნების აღმასრულებელი მდივანი, მამუკა მდინარაძე მიიჩნევს, რომ დაუშვებელია ჟურნალისტად განიხილო ადამიანი, რომელიც პოლიტიკურ მოთხოვნებს აყენებს. ის "მთელი პასუხისმგებლობით" აცხადებს, რომ კრიტიკულ მედიასთან 'შესაბამისი" ურთიერთობა ექნება.

"დაუშვებელია ჟურნალისტად ან მედიასაშუალებად განიხილო ის ადამიანი ან ორგანიზაცია, რომელიც თავად აყენებს პოლიტიკურ მოთხოვნებს და თავად დგამს პოლიტიკურ პერფორმანსებს.

შესაბამისად, ვაცხადებ მთელი პასუხისმგებლობით: მედიასაშუალებები, რომლებიც დაკავებულები არიან პოლიტიკური (და არა ჟურნალისტური) აქტივობებით, ვიდრე არ დაუბრუნდებიან ჟურნალისტურ საქმიანობას, არ წარმოადგენენ არც მედიასაშუალებას და არც ჟურნალისტებს — შესაბამისი იქნება ურთიერთობაც!" — წერს მდინარაძე საკუთარ ფეისბუქგვერდზე.

17 ივლისს, რუსთაველის გამზირზე მედიის წარმომადგენლების ორგანიზებით მორიგი საპროტესტო აქცია გაიმართა. აქციაზე შეკრებილი მოქალაქეები პრემიერმინისტრის გადადგომას მოითხოვენ. ჟურნალისტების პროტესტი მას შემდეგ დაიწყო 5 ივლისის ძალადობრივ კონტრაქციაზე სასტიკად ნაცემი ოპერატორი, ლექსო ლაშქარავას გარდაიცვალა.

გაიგე მეტი: