ქართული ოცნების ერთ-ერთი ლიდერის, შალვა პაპუაშვილის განცხადებით, ამნისტიის კანონის მიღებისას მისი მიზანი უნდა განვსაზღვროთ.

"უნდა შევთანხმდეთ საკითხზე, ჩვენ ამ ამნისტიით გვინდა თუ არა გადავშალოთ ეს გვერდი ჩვენი უახლოესი წარსულის. თუკი შევთანხმდებით რომ კი, გვინდა, მაშინ ჩვენი კანონპროექტია მისაღები. თუკი ვიტყვით რომ არა, ჩვენ გვინდა, რომ ვიღაცებს ვაპატიოთ, ეს ამნისტია მხოლოდ იმისთვის არის, რომ ნიკა მელია გამოვიდეს ციხიდან, მაგრამ, ჩვენ გვინდა რომ სამომავლოდაც ერთმანეთს წამოვაძახოთ ის სხვადასხვა ეპითეტები, რომლებიც უკვე ორი წელია გვესმის [მაშინ ოპოზიციის]", — განაცხადა პაპუაშვილმა.

ევროპული საბჭოს პრეზიდენტის, შარლ მიშელის ინიციატივით შემქნილი დოკუმენტის იმ ნაწილმა, სადაც 20 ივნისის საქმეზე ბრალდებულების ამნისტიაზეა საუბარი, პოლიტიკურ სპექტრში აზრთა სხვადასხვაობა გამოიწვია.

მმართველი პარტია და ოპოზიცია ვერ თანხმდება კონკრეტულად რომელ მუხლებს უნდა შეეხოს ამნისტია. გარდა ამისა, დისკუსიებია იმაზე, ამნისტია მხოლოდ მიმდინარე საქმეებს უნდა შეეხოს თუ იმათაც, რომელიც 20 ივნისთან დაკავშირებით მომავალში დაიწყება. სავარაუდოა, რომ ამნისტიის შესახებ კანონპროექტის ორი ვერსია დაინიცირდება — ერთი ქართული ოცნების და მეორე, ოპოზიციის.

გაიგეთ მეტი: