1-ლი მაისიდან, ვაჟა-ფშაველასა და ალექსანდრე ყაზბეგის გამზირებზე ზონალურ-საათობრივი პარკირების სისტემა ამოქმედდება. იგი შეეხება ამ გამზირების მიმდებარე ქუჩებსაც. ესენია:

  • ზურაბ ანჯაფარიძის ქუჩა;
  • მიხეილ შავიშვილის ქუჩა;
  • ვარლამ თოფურიას ქუჩა;
  • მარიჯანის ქუჩა;
  • დავით თავხელიძის ქუჩა;
  • პეტრე ქავთარაძის ქუჩა;
  • ირინე სხირტლაძის ქუჩა;
  • კალისტრატე ქუთათელაძის ქუჩა;
  • მიხეილ ასათიანის ქუჩა;
  • ანა ანტონოვსკაის ქუჩა;
  • გიო ხუციშვილის ქუჩა;
  • იონა ვაკელის ქუჩა;
  • ტანძიის ქუჩა;
  • ოთარ ჭილაძის ქუჩა;
  • ტაშკენტის ქუჩა;
  • ადამ მიცკევიჩისა ქუჩა;
  • ჯანო ბაგრატიონის ქუჩა.

თბილისის მერიის ინფორმაციით, ზონალურ-საათობრივი პარკირებისთვის ამ ტერიტორიაზე სულ 2 009 ადგილია გამოყოფილი.

პარკირების პირველი 15 წუთი უფასოა, შემდეგ კი ერთი საათი ერთი ლარი ეღირება. პარკირება უფასოა შშმ პირებისა და ელექტრომობილის მფლობელებისთვის.

ზონალური პარკირების სივრციდან 100 მეტრის რადიუსში მცხოვრებლებს, ან ადამიანებს, ვისაც ამ ტერიტორიაზე უძრავი ქონება გააჩნიათ, უფლება აქვთ ორ სატრანსპორტო საშუალებაზე უფასო პარკირებით ისარგებლონ.

"ზონალურ-საათობრივი პარკირების სისტემიდან 100 მეტრის რადიუსში მცხოვრებმა ან უძრავი ქონების მფლობელმა პირებმა, უფასო პარკირებისთვის რეგისტრაცია უნდა გაიარონ ვებგვერდზე — www.tp.ge, სადაც ID ბარათის ელექტრონულ წამკითხველში დაფიქსირების შემდეგ, აღინიშნება მის საკუთრებაში არსებული უძრავი ქონება და მისი საკადასტრო კოდი. აპლიკაციის გააქტიურების შემდეგ, მომხმარებელი შეძლებს, საკუთარი სატრანსპორტო საშუალება თავისივე საკადასტრო კოდს დაუკავშიროს", — ვკითხულობთ მერიის განცხადებაში.

მერიაში აცხადებენ, რომ ვაჟა-ფშაველასა და ალექსანდრე ყაზბეგის გამზირებზე საინფორმაციო ჯიხურებია განთავსებული, სადაც მოქალაქეები ავტომობილების დარეგისტრირებას შეძლებენ.

გაიგეთ მეტი: