ამერიკულ-ქართული განათლების ცენტრის ორგანიზებით და გერმანულ Jacobs University-სა და ფრანგულ Université Catholique de l'Ouest (UCO)-თან თანამშრომლობით 2021 წლის 24 აპრილს, 12:00-დან 17:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 27 უნივერსიტეტს 14 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: leafonlinefair.com

ლიეტუვას დედაქალაქში მდებარე ვილნიუსის უნივერსიტეტი ყველაზე დიდი უნივერსიტეტია ქვეყანაში და ასევე, არის ბალტიისპირეთში ყველაზე ძველი, 440 წლის. უნივერსიტეტი აქტიურ მონაწილეობას იღებს საერთაშორისო სამეცნიერო და აკადემიურ პროექტებში. მისი მიზანია აღზარდოს სპეციალისტები, რომელთა წარმატებასა და თანამედროვე ევროპულ საზოგადოებაში ინტეგრაციას უზრუნველყოფს. უნივერსიტეტში სწავლება მიმდინარეობს როგორც ბაკალავრიატის, ასევე მაგისტრატურისა და დოქტურანტურის დონეზე.

ბალტიისპირეთში უნივერსიტეტები მოსწავლეებს სთავაზობენ მაღალი ხარისხის აკადემიურ პროგრამას დასავლეთ და ცენტრალურ ევროპასთან შედარებით დაბალ ფასებში. ეს ცხოვრების ხარჯებსაც ეხება. წვდომა გაცვლით პროგრამებსა და შენგენის ზონაზე კი ზუსტად იგივეა. სწავლის საფასური ბაკალავრის საფეხურზე 2000-5000 EUR ფარგლებშია, მაგისტრატურის საფეხურზე 4000-12000 EUR, ხოლო დოქტორანტურის საფეხურზე დამოკიდებულია მკვლევარის პოზიციასა და მიმართულებაზე, შესაძლებელია სხვადასხვა სახის დაფინანსების მიღება. ვილნიუსის უნივერსიტეტში სწავლის დაფინანსება შესაძლებელია გრანტით ან სტიპენდიით. მათი ნაწილი ქართველ მოსწავლეებზეც ვრცელდება.

აქ აკადემიური თუ პროფესიული მიმართულებების ძალიან დიდი და მრავალფეროვანი არჩევანია. ბაკალავრიატის საფეხურზე 17 პროგრამაა. მაგალითად: ეკონომიკა, გლობალური მარკეტინგი, მუსიკის პედაგოგიკა, გეოლოგია, პროგრამირება, მენეჯმენტი.

მაგისტრატურის დონეზე 40 პროგრამა გვხვდება. მაგალითად: კომპიუტერის დიზაინი, ფინანსები, ინფორმატიკა, გენეტიკა, საერთაშორისო კომუნიკაციები, მათემატიკა და სხვა.

დოქტორანტურაზე კი, სტუდენტებს შეუძლიათ ისწავლონ 29 მიმართულებით, როგორებიცაა: ტექნოლოგიური მეცნიერებები, მედიცინა და ჰუმანიტარული მეცნიერებები, საბუნებისმეტყველო მეცნიერებები და სხვა.

უნივერსიტეტში სტუდენტებისთვის არსებობს აკადემიური მრჩევლისა და კარიერული მრჩევლის სამსახურები, ასევე ფსიქოლოგიური დახმარების სერვისი.

თქვენ გაქვთ შესაძლებლობა პირადად შეხვდეთ ვილნიუსის უნივერსიტეტის წარმომადგენელს განათლების საერთაშორისო ვირტუალურ გამოფენაზე 24 აპრილს, 12 საათიდან 17 საათამდე. შეუერთდით აქ.