დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყანა ჩინურ ვაქცინა სინოფარმთან ერთად 100 ათას დოზა სინოვაკს საჩუქრად მიიღებს. ამის შესახებ მან NCDC-ის ფეისბუქ ლაივში ისაუბრა.

"რაც შეეხება ჩინურ ვაქცინას, რომელიც დაგიანონსეთ, რომ შაბათს, ამ კვირის ბოლოს უნდა შემოვიდეს, ჩინეთს დღეს წარმოებაში აქვს 5 ვაქცინა, აქედან ორი არის საერთაშორისო გამოყენებაში, ჩვენთან შემოდის სინოფარმი, რომელიც იყიდა ქვეყანამ და სინოვაკი, რომელიც საჩუქრად ეძლევა საქართველოს 100-100 ათასი დოზა. ეს გახლავთ ორი ჩინური ვაქცინა, რომელიც გამოიყენება გარდა ჩინეთისა, სადაც უკვე აცრილია 80 მილიონზე მეტი, სხვა ქვეყნებში", — თქვა გამყრელიძემ.

დაავადებათა კონტროლის ცენტრი დირექტორის, ამირან გამყრელიძის განცხადებით, ჩინური ვაქცინა ჯანმრთელობის მსოფლიო ორგანიზაციის აღიარებს მალე მიიღებს.

"საქართველოს კანონმდებლობაში არის მუხლი, რომ საქართველოს შემოაქვს აღიარებითი რეჟიმის [ვაქცინები] და ეს ვრცელდება მკაცრ მარეგულირებლებზე, რომელშიც შედის ევროკავშირის ქვეყნების მარეგულირებლები, მათ შორის, უნგრეთის. ამიტომ ქვეყანაში [ჩინური] ვაქცინის შემოტანა შესაძლებელია და მე დიდი იმედი მაქვს, მას მალე ექნება ჯანმრთელობის მსოფლიო ორგანიზაციის აღიარება", — განაცხადა გამყრელიძემ.

Pfizer-ის ვაქცინის 29 250 დოზა საქართველოში 25 მარტს გამთენიისას ჩამოიტანეს. ამიერიდან, მოქალაქეებს კორონავირუსის საწინააღმდეგო აცრის ჩატარება ორი, AstraZeneca-სა და Pfizer-ს შორის არჩევანის გაკეთებით შეეძლებათ.

საქართველოში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო, ხოლო ვაქცინაციის პროცესში 65 წელს ზევით მოქალაქეები 25 მარტიდან ჩაერთნენ.

მინისტრის მოადგილე, თამარ გაბუნიამ კი არ გამორცხავს, რომ ვაქცინაციის პროცესში ჩართვის შესაძლებლობა ახალ ჯგუფს — 55 წლის ზევით ასაკის მოქალაქეებსაც მისცენ.