რუსეთის საოკუპაციო რეჟიმის მიერ უკანონოდ დაკავებული რამაზ ბეღელური თავისუფალია. ის 2 თებერვალს, გორის მუნიციპალიტეტის სოფელ გუგუტიანთკარის მიმდებარე ტერიტორიიდან გაიტაცეს.

"საქართველოს მოქალაქის გასათავისუფლებლად აქტიური მუშაობა მიმდინარეობდა ევროკავშირის სადამკვირვებლო მისიის ფარგლებში მოქმედი ცხელი ხაზის გამოყენებით, ამავე პერიოდში, საკითხი განიხილებოდა ინციდენტების პრევენციისა და მათზე რეაგირების მექანიზმის შეხვედრისა და ჟენევის საერთაშორისო დისკუსიების ფორმატებში", — აღნიშნულია სახელმწიფო უსაფრთხოების სამსახურის განცხადებაში.

ფოტო: სუს