მასალის თავდაპირველი სათაური იყო: "პრეზიდენტის ინიციატივით, დაიწყება კონცერტების ციკლი "ქართული მუსიკა ორბელიანების სასახლეში". კონსერვატორიის მიერ გვარცელებული ინფორმაცია მოგვიანებით უარყვეს პრეზიდენტის ადმინისტრაციაში. თბილისის სახელმწიფო კონსერვატორიის მხრიდან ინფორმაციის დაზუსტების შემდეგ, სათაური შეიცვალა.

30 მარტს თბილისის სახელმწიფო კონსერვატორიამ გაავრცელა ინფორმაცია, რომ პრეზიდენტის ინიციატივით, ორბელიანების სასახლეში პირველი აპრილიდან კონცერტების ციკლი "ქართული მუსიკა ორბელიანების სასახლეში" იწყება. On.ge-მ მასალა სწორედ მათზე დაყრდნობით მოამზადა, თუმცა მოგვიანებით, პრეზიდენტის ადმინისტრაციის პრესსამსახურში განაცხადეს, რომ ამ ინფორმაციას არ ადასტურებენ.

ადმინისტრაციასა და კონსერვატორიასთან კომუნიკაციის რამდენიმესაათიანი მცდელობის შემდეგ, თბილისის კონსერვატორიამ გაავრცელა განცხადება, სადაც აღნიშნულია, რომ კონცერტების სერიის თარიღებთან დაკავშირებით მოხდა ცვლილება და აღნიშნული ინიციატივა არსებობს პროექტის სახით, ხოლო მისი განხორციელების ზუსტი ვადები მოგივნებით გახდება ცნობილი.