ბათუმის საკრებულოში ხმაურია. მოქალაქეები სხდომაზე დასწრებას მოითხოვენ, სადაც მათ არ უშვებენ.

დღევანდელ სხდომაზე სხვა საკითხებთან ერთად საკრებულოში ბათუმი თაუერისთვის ზღვის პირას 3 380მ2 მიწის ნაკვეთის 15 წლით პირდაპირი განკარგვის წესით გადაცემას განიხილავენ. სწორედ ამასთან დაკავშირებით შეიკრიბნენ საკრებულოში მოქალაქეები. როგორც ისინი აცხადებენ, მათ რამდენიმე კითხვის დასმა და საკითხების დაზუსტება უნდათ.

გენრი დოლიძე ბათუმელებთან აღნიშნავს, რომ ღია სხდომაზე არ უშვებდნენ იმ მიზეზით, რომ მოქალაქეებისთვის ადგილი არ იყო, შემდეგ კი პოზიცია შეცვალეს და განაცხადეს, რომ სხდომა დახურული იყო. კიდევ ერთი აქტივისტის თქმით, საუბარი იყო სხდომაზე მხოლოდ ორი-სამ ადამიანის დასწრებაზე.

შენობაში ხმაურია და პოლიციაა მობილიზებული. სხდომა, სადაც 21 საკითხი უნდა განიხილონ, შეჩერებულია. საკრებულოს თავმჯდომარემ და დეპუტატებმა დარბაზი დატოვეს.

სხდომა მოგვიანებით განახლდა, სადაც საკრებულოში შეკრებილ სამ მოქალაქეს დასწრების უფლება მისცეს.